මේගන්ගේ ජෑම් බෝතල් නොමිලේ බෙදයි
ලොස් ඇන්ජලීස් හි පිහිටි නෙට්ෆ්ලික්ස් (Netflix) ප්රධාන මූලස්ථානයේ සේවකයින්ට මේගන් මාර්කල්ගේ 'As Ever' සන්නාමයේ නිෂ්පාදන නොමිලේ ලැබෙන බව විදෙස් වාර්තා පවසනවා.එහි ගබඩා කාමර දෙකක් ජෑම් බෝතල්, ඉටිපන්දම්, වයින් සහ මේගන්ගේ ප්රසිද්ධ මල් පෙති ඉසින උපාංග වැනි නිෂ්පාදනවලින් පිරී පවතින බවයි මූලාශ්ර පවසා ඇත්තේ. එක් සේවකයෙකු නිෂ්පාදන 10 ක් පමණ නොමිලේ රැගෙන ගොස් ඇති බවද පැවසෙනවා. මෙම නිෂ්පාදන හොලිවුඩ් හි පිහිටි නෙට්ෆ්ලික්ස් මූලස්ථානයේ අයිකන් ටවර් සහ එපික් ගොඩනැගිලිවල ගබඩා කර තිබෙනවා.එහි අධික තොගයක් පවතින බව තවත් මූලාශ්රයක් තහවුරු කළද, මේ පිළිබඳව නෙට්ෆ්ලික්ස් හෝ මේගන්ගේ පාර්ශවයෙන් මෙතෙක් ප්රතිචාරයක් ලැබී නැහැ.කෙසේ වෙතත්, ඇතැම් මූලාශ්ර පවසන්නේ නිෂ්පාදන තොග මීට පෙර වෙනත් ගබඩාවකට ගෙන ගිය බවත්, දැනට නෙට්ෆ්ලික්ස් මූලස්ථානයේ ඇත්තේ තෑගි ලෙස දීමට සහ ප්රවර්ධන කටයුතු සඳහා තබා ගත් දේවල් බවයි.පසුගිය මාසයේ වෙබ් අඩවියක ඇති වූ දෝෂයක් හේතුවෙන් අලෙවි නොවූ නිෂ්පාදන 650,000 ක් පමණ ඇති බව හෙළි වුණා.මේගන්ගේ පාර්ශවය එමගින් ව්යාපාරය අර්බුදයක ඇති බව පැවසෙන වාර්තා ප්රතික්ෂේප කරනවා.එම දත්ත වලට අනුව ජෑම් බෝතල් 220,000 ක්, මී පැණි බෝතල් 30,000 ක්, ඉටිපන්දම් 90,000 ක්, මල් ඉසින ටින් 80,000 ක් සහ වයින් බෝතල් 70,000 ක් ගබඩාවල පවතිනවා. මෙම නිෂ්පාදනවල මිල ගණන් වන්නේ ජෑම් බෝතලයක් අමෙරිකානු ඩොලර් 14 ක්, තේ පෙට්ටියක් ඩොලර් 14 ක්, මී පැණි බෝතලයක් ඩොලර් 32 ක් සහ ඉටිපන්දමක් ඩොලර් 64 ක් වශයෙන්.Rosé වයින් බෝතලයක් ඩොලර් 35 ක් වන අතර Brut වයින් බෝතලයක් ඩොලර් 89 ක්. ඇයගේ වැලන්ටයින් දින පැකේජයක් ඩොලර් 185 කට අලෙවි කෙරෙනවා.රෙඩිට් පරිශීලකයින් පවසන්නේ වෙබ් අඩවියේ භාණ්ඩ විශාල ප්රමාණයක් සාප්පු සවාරි කරත්තයට එකතු කිරීමෙන් පවතින උපරිම තොග ගණන සොයාගත හැකි වූ බවයි. නමුත් ව්යාපාරික ආරංචි මාර්ග පවසන්නේ මෙය ව්යාපාරයේ පසුබෑමක් නොව ජාත්යන්තර ව්යාප්තිය සඳහා සූදානම් වීමක් බවයි.44 හැවිරිදි මේගන්, ඇයගේ 'American Riviera Orchard' නාමය පිළිබඳ වෙළඳ ලකුණු ගැටලුවකින් පසු මෙම නිෂ්පාදන සඳහා නෙට්ෆ්ලික්ස් සමඟ එක් වී තිබුණා. ඇයගේ 'With Love, Meghan' රූපවාහිනී වැඩසටහන හරහා මෙම භාණ්ඩ ප්රවර්ධනය කළද, ප්රමාණවත් තරම් නරඹන්නන් නොමැති වීම නිසා එහි තුන්වන අදියරක් (3rd season) නිර්මාණය නොවන බවයි වාර්තාවල දැක්වෙන්නේ.දෙවන අදියර වසරේ අවසන් මාස හතර තුළ නරඹා ඇත්තේ මිලියන 2 ක් පමණක් වන අතර එය නෙට්ෆ්ලික්ස් හි වැඩසටහන් ලැයිස්තුවේ 1,217 වන ස්ථානයට පත්ව තිබෙනවා. එහි උත්සව සමයේ විශේෂ වැඩසටහන මිලියන 2.4 ක පිරිසක් නරඹා තිබුණා.මේගන් සහ හැරී කුමරුගේ නෙට්ෆ්ලික්ස් සමඟ වූ සුවිශේෂී ගිවිසුම අලුත් නොවුණත්, ඔවුන්ට තවමත් ප්රමුඛතා ගිවිසුමක් පවතිනවා. මේගන් දැන් ඇයගේ ජීවන රටා සන්නාමය ගොඩනැගීමට සැලසුම් කරන බව සඳහන්. පසුගිය අගෝස්තු මාසයේදී ඇය පැවසුවේ ඇයගේ පළමු වයින් වර්ගය පැයක් ඇතුළත විකිණී අවසන් වූ බවයි. ආරම්භයේදී දහස් ගණනක ඇණවුම් තිබූ තම ව්යාපාරය, මාස කිහිපයක් ඇතුළත මිලියනයක ඇණවුම් දක්වා වර්ධනය වූ බවත්, ඇයගේ අරමුණ මෙම ව්යාපාරය ලොව පුරා ව්යාප්ත කිරීම බවත් ඇය වැඩිදුරටත් සඳහන් කර තිබෙනවා.
